01/08/15

€31,239 ceadaithe do Chomharchumann Forbartha Chorca Dhuibhne ag an Aire Stáit McHugh

Tá fógartha ag an Aire Stáit do Ghnóthaí Gaeltachta,  Joe McHugh T.D., go  bhfuil deontas €31,239 ceadaithe aige do Chomharchumann Forbartha Chorca Dhuibhne, Co Chiarraí chun oibreacha riachtanacha a chur i gcrích ar na hallaí seo leanas: Halla an Mháimín, Halla na Muirí agus Halla Ghort Caide Gharrarois, Baile an Fheirtéaraigh, lena gcur in oiriúint do Choláistí Gaeilge.

Ag fógairt an deontais dó, dúirt an tAire Stáit:

Tá áthas orm a bheith in ann an cúnamh seo a chur ar fáil do Chomharchumann Forbartha Chorca Dhuibhne ionas go mbeidh áiseanna sábháilte den scoth ar fáil do na scoláirí a bhíonn ag freastal ar a gcuid cúrsaí. Cuireann na cúrsaí a eagraíonn siad go mór le heacnamaíocht an cheantair chomh maith le bheith ag cur na Gaeilge chun cinn.

Críoch

Department of Arts, Heritage, Regional, Rural and Gaeltacht Affairs, 23 Kildare Street, Dublin , D02 TD30. Tel: 01 631 3800 / LoCall: 1890 383 000

Web Design & Development by Fusio

Vision One Civil Service